• 2016-10-18
• 評分: 很好
• 

稱心又價錢合理的髮型師

本人係一個長頭髮又多又厚嘅人，每次去剪髮叫啲師父剪簿啲，好多時地都會只用牙剪偷簿，再者用把鉸剪削簿啲頭髮，但每次剪完覺得頭頂一大舊但髮尾就碎濕濕得返好少無層次個型唔順好肉酸好唔稱心。今次我就試下上網揾下邊間髮型屋好，比我揾到呢間叫派Hair嘅Salon,見地啲評語幾好就上去試一試，一坐底個男髮型師行過黎摸下我個頭，之後仲好專業咁分析咗我把頭髮有啲咩問題，並建議我點樣剪返好把頭髮，聽完後覺得正是我心想要嘅嘢，好明白我的需要，所以我好放心交比剪。剪完後成把頭髮好輕身好均勻好有層次，頭髮柔和咗仲有飄逸感，唔會好似以前咁一忽忽厚簿不一感覺笨拙，整個剪髮過程我覺得個髮型師真係好有耐性及細心一小掫一小掫咁剪，真係好有心機，我真係好滿意，而且價錢非常合理。更值一提的是，洗完頭只须揚下自然乾，髮型也能keep到，不用風筒也可，非常方面，我真係好開心能夠揾到一個啱自己嘅髮型師。